Dr. Cumar Cabdirashiid Cali Sharmarke oo mar soo noqday Raisulwasaaraha Somalia ayaa maanta kulan dheer la qaatay madaxweynaha KMG ah ee Jubba.
Kulanka oo saacado badan qaatay kadib ayaa waxaa Dr. Sharmarke loogu magacaabay inuu noqdo masuullka soo xulaya baarlamanka cusub ee Jubba, wuxuu kaloo Raisulwasaarihii hore qaabeynayaa qaabka baarlamnaka cusub uu u howlagali doono iyo guud ahaan tirada xildhibaanada, oo iyadana la isla gartay.
Dr. Sharmarke ayaa muddooyinkii u dambeeyey isaga daba noqonayey magaalada Kismaayo, isagoo shirar caalami ahna uga qayb galay, isagoo metelaya maamulka Jubba.
Axmed Madoobe iyo Dr. Cumar Cabdirashiid ayaa sidoo kale ka wada hadlay arrimaha amaanka Jubaland, iyo howlo farsamo oo sugaya maamulka cusub, waxay kaloo labada masuul ka wada hadleen shir khilaaf ka taagan yahay oo dowlada Somalia dooneyso in lagu qabto magaalada Kismaayo.
No comments:
Post a Comment