1992KII DHAMAADKIISII ANIGOO LA SOCDA HEY’AD SAMAFAL AH OON ISKALA DUULNAY NAIROBI AYAN BOOQASHO KU TAGNAY XARUN ISKUUL OO DAD QAXAY KU JIRAAN OO KU TAAL DEGMADA WADAJIR. IYADOON DADKII WAREYSANEYNO SIDA XAALKOODU YAHAY, AYAA WAXA NAGA DUL YIMID NIN DHALLINYARO AH OO QORI RBG LA ORDAYA OO WELIBA NAGU SOO FIIQAYA IYADOO AY NAXDIN WAYN IGU NOQOTAY XAALADDA COLAADEED EE LAMA FILAANKA AH EE KEENTAY IN QORI NALA DUL YIMAADO. WIILKII OO AFKIISA AY UBUR KA DA’EYSO AYAA NAGU YIRI, “YAA IDIN FASAXAY INAAD XIRADA TIMAADAAN?”.
NAXDINTII IYADOO WELI I HEYSO OO DADKEENII SOCOTADA AHAA OO BADANKOOD AJNABI AHAAYEEN GARAN LA’ WAXANU KU HADALNO, AYAAN NAAG DADKII XERADA KU JIRAY KA MIDA LA SOO BOODDAY “HA NAGU HALLEYNINA NINKAN EED WAXAD NOO QABAN KARTAAN NOO QABTA” . DADKII NA WADAY EE MAGAALADA DEGGENAA WAXA AY KU MASHQUULEEN INEY WIILKA MASLAXAAN. WIILKII WAXA UU KU DOODAYEY INAAN LASOO MARIN OO DADKAN QAXOOTIGA AHAN YIHIIIN KUWO ISAGA MEESHA UGU XAREYSAN, SIDAA DARTEEDNA WIXII LA TARAYO AY TAHAY INEY ISAGA SOO MARTO.
WAXA WELI MASKAXDEYDA KA TIRMI LA’ ISLAANTII GEESIYADDA AHEYD EE DADKEEDA U DOODEYSAY. WAXAN KA XUMAHAY IN DADKII MAGAALADA AAN MARTIDA UGU AHEYN EE WELIBA AANNU KA KIREYSANNAY QORILEY INEY NAGU QANCIYEEN INAAN DEG-DEG GOOBTA UGA TAGNO INTA AANEY XABAD DHICIN OO NINKANNA GURMAD U IMAN.
22 SANO KA DIB DADKA SIDAA U DHAQMA WELI SOOMAALI IYAGAA HORBOODA OO CALOOSHOODA AY KALA WEYN TAHAY DANTA DALKOODA IYO TAN UMMADDOODA. WAXASE LOO BAAHAN YAHAY IN LA YEESHO DABEECADDA IYO GEESINNIMADA ISLAANTII AFKEEDA KALA QAADAY OO HADDII XINIINYO WAX TARAYAAN AY AHEYD IN IYADA LOOGU LABISO!
No comments:
Post a Comment