AKHRISO:- Dowladda Federaalka oo Lagu Eedeeyay Musuq Maasuq,Qabyaaladeysi Xadid Hanti Qaran iyo Arrimo Kale.

AKHRISO:- Dowladda Federaalka oo Lagu Eedeeyay Musuq Maasuq,Qabyaaladeysi Xadid Hanti Qaran iyo Arrimo Kale.





Musuq Maasuq iyo wax isdaba marin ayaa ragaadiyay dhammaan hay’adaha DF-ka ee shisheeyaha soomaaliya kusoo duulay ay gacanta ku hayaan.
War saxaafadeed kasoo baxay Urur taageera Dowladda Federaalka ayaa lagu xaqiijiyay in musuq maasuq aan waba reebayn uu daashaday dhammaan wasaaradaha dowladda,madaxtooyada,saraakiisha ciidanka iyo arrimo kale.
“Mushaarka shaqaalaha iyo kan ciidammada oo aan la bixin dhowr bilood, ayaa dhinaca kale la bixiyaa kharashaadka huteellada , safarrada, qalabeynta guryaha iyo xaafiisyada ama la siiyaa dhaqaale kale dad aan wax xil u haynin dowladda.
Kharashaadka siyaasadda waxa laga bixiyaa qasnado dhowr ah sida, tan dhexe ee dowladda, tan deeqaha dibadda, madaxda ayaa jeebkooda ku shubta dhaqaalaha dowladda soo gala,hantida gaarka loo leeyahay iyo deymaha lagu qaado magaca dowladda ama maamullada”.
Ururkan ayaa farta ku goday in shaqaalaha DF-ka lagusoo xulo qabyaaladeysi,wali aqoon iyo xigto balse aan lagusoo xulin aqoon iyo kartid arrinkaasi oo khilaafsan sheegashada Xasan sheekh oo ah in maamulkiisu yahay dowlad dhamaystiran.
“Qaraaba-kiilka ka taagan shaqo bixinta dalku wuxu abuuray isir-sooc iyo sicirbarar ku dhaca tirada shaqaalaha hey’adaha dowladda. Siyaasiyiinta iyo maalqabeennaduba waxay shaqooyinka siiyaan xigtadooda iyo dad ay u xilhayaan, taasoo meel kadhac ku ah maamul wanaagga” ayaa lagu yiri bayaanka.
Sidoo kale maamulka Xassan Sheekh ayaa lagu eedeeyay in heshiisyo mugdi badan kujiro uu lagalay shirkado iyo dowlado shisheeye islamarkaana uu badda soomaaliyeed iyo xarumaha dowladeed ugacan geliyay shirkado halis gelinaya madax banaanida Soomaaliya.
“Qandaraasyada la bixiyo wey tiro beeleen laakiin waxaa laga soo qaadan karaa maraakiibta sharcidarrada uga kalluumeysata badaheenna, maamulka dekadaha, garoomada diyaaradaha, baarista shidaalka, xarumihii wasaaradihii dowladdii dhexe ee Soomaaliya, iwm,Maraakiibta sida sharci darrada ah u gurtaan kheyraadka ku jira badaheenna intooda badani waxay sitaan shatiyo ay bixiyeen qaar ka mid ah masuuliyiinta dalka, Miisaaniyadda siyaasadda, shaqabixinta iyo Qandaraasyada, nooc kasta oo ay yihiin laguma bixiyo nidaam iyo hannaan caadyaal ah{transparant} dhaqaalaha kasoo galana waxba looguma qabto ummadda” warsaxaafadeedka.
Warmurtiyeedka ayaa si gaar ah loogu sheegay in maraakiibta shisheeye ee heshiisyada lala galay ay walxo sun ah ku shubaan badda kadibna xaalad caafimaad xumo kasoo gaarto dadka iyo duunyada “Wasakhda sumeysan ee qaar ka tirsan maraakiibtaas ay ku shubaan badaheenna waxay halis ku tahay caafimaadka dadkeenna”.
Hay’ado caalami ah iyo Ururo aan dowlli aheyn ayaa si mideysan Dowladda Xasan Sheekh ugu eedaynaya waxqabad la’aan iyo musuq maasuq balse waxaa xusid in intabadan hay’adaha shisheeye iyo dowladaha duullaanka kusoo qaaday soomaaliya aysan soo hadal qaadin boobka lagu hayo kheyraadka dalka ayna qeyb ka yihiin gumeystayaasha damaca fog ka leh dalka.